बक्स अफिस प्रिभ्यूः पशुपति प्रसाद २’ले २ करोड माथिको ओपनिङ गर्ला ?

शनिबारदेखि रिलिजमा आउन लागेको नेपाली फिल्म ‘पशुपति प्रसाद २ः भष्मे डन’कोबुकिङ आक्रामक देखिएको छ । फिल्म रिलिज हुन २ दिन मात्र बाँकी रहेको अवस्थामा उच्च हाइप बनाएको फिल्मको बिहानी शोमा बूकिङ आक्रामक छ । फिल्मको आक्रामक बूकिङ शुक्रबार अझै बढ्ने अपेक्षा गर्न सकिन्छ । 

यो फिल्मले देश भर उच्च शोज पाएको छ । जसका कारण, पनि दशैँको विदामा फिल्मले बक्स अफिसमा सुनामी ल्याउने आकलन गरिएको छ । 
एक साता भन्दा लामो बिदा र चाडपर्वको मौसम भएकाले पनि फिल्मको व्यापारमा उछाल आउन आवश्यक छ । फिल्मको व्यापारमा वर्ड अफ माउथले पनि ठूलो असर गर्छ । 

यो फिल्मले बक्स अफिसमा शनिबार २ करोड माथिको ग्रस कलेक्शन गर्ने प्रक्षेपण गरिएको छ । विदाको दिनमा रिलिज हुन लागेकाले पनि फिल्मले देशैभर विष्फोटक सुरुवात गर्न आवश्यक छ । फिल्मको हालसम्मको बूकिङ हेर्दा बिहानी शोमा फिल्मले आक्रामक सुरुवात गर्ने लक्षण देखाएको छ । बाँकी शोजहरुमा यसको वर्ड अफ माउथले बढी काम गर्नेछ । 

दीपेन्द्र के खनाल निर्देशित यो फिल्मले देशभर डेढ सय बढी शोज पाएको छ । यसैले, पनि फिल्मको व्यापार बिष्फोटक हुन आवश्यक छ । खगेन्द्र लामिछानेको लेखन तथा निर्माणमा तयार भएको फिल्ममा विपिन कार्की, सौगात मल्ल, स्वस्तिमा खड्का, रवीन्द्र सिंह बनियाँ, प्रकाश घिमिरे लगायतका कलाकारको अभिनय छ ।

फिल्मले पाएको शोज, यसको हाइप, हिट फिल्मको सिक्वेल, नाम चलेका निर्देशक र लेखक, कलाकारको बलियो लाइनअपका कारण पनि यो फिल्मले २ करोड माथिको ओपनिङ गर्न आवश्यक छ ।