दीपकराज गिरी भन्छन्- ओली म भन्दा बढी व्यङ्ग्यकार हुनुहुन्छ

अभिनेता दीपकराज गिरीले नेकपा (एमाले)का अध्यक्ष एवं पूर्वप्रधानमन्त्री केपी शर्मा ओली मभन्दा बढी व्यंग्यकार रहेको बताएका छन् ।

सोमबार कान्तिपुर सिनेमाजले ल्याएको ओटिटी प्लेटफर्मको शुभारम्भ कार्यक्रममा सम्बोधन गदै दिपराज गिरीले यस्तो बताएका हुन् ।

अभिनेता गिरीले राजनीति शरीरको मुटु भएको र नेपालीहरू राजनीतिबाट हामी टाढा बस्नै नसक्ने बताए । साथै, धेरै नेताहरू आफ्नो विषयसँग सम्बन्धित कुरामा मात्रै ध्यान दिने गरेपनि नेकपा ओली समायानुकूल आफूलाई परिवर्तन गर्नसक्ने क्षमताको नेता भएको उनले बताए ।

अभिनेता गिरीले भने, ‘हामीले फिल्म समयानुकूल परिवर्तन गर्दै जानुपर्छ । राजनीति भन्ने चिज शरीरको हर्ट र मुटु हो । राजनीतिबाट हामी टाढा बस्नै सक्दैनौं । धेरै नेताहरू आफ्नो विषयसँग सम्बन्धित कुरामा मात्रै ध्यान दिएको देख्छु तर केपी शर्मा ओलीमा अहिलेको समाजसँग परिवर्तन गर्दै जाने खुबी छ। हास्यव्यंग्यको कुरा गर्दा मभन्दा पनि ठूलो हास्यव्यंग्यकर्मी उहाँ हो । व्यंग्यको चेत भनेको ठूलो कुरा हो, व्यंग्य गर्न थुप्रै अध्ययन चाहिन्छ ।’

उनले समयअनुसार आफूलाई अपग्रेड गर्दै लैजानुपर्ने पनि बताए ।