फिल्म ‘दुई कदम’को टिजरमा प्रेम, रोमान्स र बदलाको कथा

फिल्म ‘दुई कदम’को टिजर सार्वजनिक भएको छ । 

आइतबार दशैंको घटस्थापनाको अवसर परेर सार्वजनिक गरिएको फिल्मको १ मिनेट ४० सेकेण्डको टिजरमा डेब्यु अभिनेता इओन लिम्बु र डेब्यु अभिनेत्री सिमोन गिरीबीचको प्रेम, रोमान्स र द्वन्द्वलाई प्रस्तुत गरिएको छ । अभिनेता गौरव पहारी खलपात्रको भूमिकामा रहेको अनुमान लगाउन सकिन्छ । 

उदय सुब्बाको निर्देशनमा निर्माण भएको फिल्ममा अभिनेता सुनिल थापा, कविता आले, सुरवीर पण्डित, प्रेम सुब्बा बुद्धि तामाङ, अर्जुन गुरुङ, विमला लिम्बु, जिवन लिम्बु, चन्दा दाहाल र प्रितिका शर्माको अभिनय रहेको छ ।

फिल्मको एक गीतमा अभिनेता विल्सन विक्रम राईले पनि विशेष भूमिका निवार्ह गरेका छन् । अजम्बरी फिल्मस्को ब्यानरमा निर्माण भएको फिल्ममा तारा देवी लिम्बुको लगानी रहेको छ ।

मुस्ताङमा एक गीतको छायांकन गरिएको फिल्मको बाँकी छायांकन पूर्वका धनकुटा, तेह्रथुमको वसन्तपुर, इलाम, झापा र धरानमा गरिएको हो । 

फिल्ममा दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रविन ढकालको सम्पादन रहेको छ । 

आगामी मङ्सिर २९ गतेबाट रिलिज हुने फिल्मलाई रिच इन्टरटेनमेन्ट र एफडी कम्पनीले वितरण गर्दै छन् ।