‘राजेश हमाल इज अ ओभररेटेट एक्टर’: उषा रजक

नायिका उषा रजक आफ्नो विवादित बयानका कारण चर्चामा आउन थालेकी छिन् । १७ बर्ष अगाडि आफूलाई हटाएर अनुप बरालले दिया मास्केलाई फिल्म ‘कागबेनी’मा लिएको घटना सार्वजनिक गर्दै उनी चर्चामा आएकी थिइन् । उनै, उषाको यतिबेला एउटा भिडियो क्लिप्स भाइरल भैरहेको छ । 

कमेडियन विक्की अग्रवालले संचालन गर्दै आएको शोज ‘आम्मा कसम यहाँ दुख्छ २’मा पुगेकी उषाले नायक राजेश हमालको बारेमा दिएको एउटा क्लिप्स भाइरल भैरहेको छ ।

जहाँ, उनले ‘राजेश हमाललाई ओभररेटेट एक्टर’ भनेकी छिन् । यतिमात्र होइन, राजेश हमालको अभिनय त्यस्तो केही स्पेशल नभएको पनि बताएकी छिन् । उनले, राजेश हमालको नृत्य त सबैले देखेकै भन्दै खिल्ली उडाएकी छिन् । 

हुनत, अहिले नै कार्यक्रमको पुरा भिडियो सार्वजनिक भएको छैन । जसलेगर्दा, उषाले राजेश हमालको बारेमा यस्तो कुरा कुन प्रसंगमा गरेकी हुने भन्न सकिदैन । तर, उषाले यति कार्यक्रममा पनि राजेश हमालको यसरी नै खिल्ली उडाएकी हुन् भने उनको आलोचना चर्को हुने पक्का छ । 

तर, दोश्रो सिजनमा खासै चर्चा नपाएको विक्कीको शोले पनि टीआरपी र युट्युबमा भ्युज राम्रो पाउनेछ ।