‘परदेशी २’ ट्रेलरमा देश छाड्नु पर्दाको पीडा

असोजको २६ गतेबाट रिलिजमा आउन लागेको फिल्म ‘परदेशी २’को ट्रेलर रिलिज भएको छ । फिल्म रिलिजको एक साता अगाडि यसको ट्रेलर सार्वजनिक गरिएको हो । फिल्मको ट्रेलरमा आमा र छोरा बिचको सम्बन्धको कथा प्रस्तुत गरिएको छ । सन्तान विदेश जाँदा आमा–बाबुले भोग्ने पीडाको कथा फिल्ममा प्रस्तुत गरिएको छ ।

फिल्ममा प्रकाश सपुत, केकी अधिकारी, प्रशान्त तामाङ, रमा थपलिया, देवेन्द्र बब्लु, वर्षा सिवाकोटी लगायतका कलाकारको अभिनय छ । 

यो फिल्ममा राजेश वंशल र नारायण रायमाझीको लगानी छ । नारायण रायमाझीको निर्देशनमा तयार भएको फिल्ममा रमेश वीजीको कथा तथा पटकथा छ । मानकृष्ण महर्जनले खिचेको फिल्ममा दिर्घ खड्काको सम्पादन, रामजी लामिछाने र गोविन्द राइको नृत्य निर्देशन, अष्ट महर्जनको एक्सन छ । 

फिल्मले गोर्खालीहरुको विरताको कथालाई पनि प्रस्तुत गरिएको छ । नायक दिलिप रायमाझीको उपस्थिती दर्शकका लागि विशेष हुन सक्छ । 

‘गोर्खापल्टन र परदेशी’ जस्तो सफल फिल्म बनाएका नारायण रायमाझीको यो फिल्मले बक्स अफिसमा कस्तो व्यापार गर्ने हो, एक साता पछि थाहा हुनेछ । फिल्मको बाग्लुङमा प्रिमियर भने भैसकेको छ ।