राजेश हमाललाई भिडियो खेल्नमै भ्याई नभ्याई

नायक राजेश हमालले फिल्ममा कमब्याक कहिले गर्छन् भन्ने प्रतिक्षा उनका फ्यानहरुलाई छ । बलिउडमा साहरुख खानले ४ बर्षपछि कमब्याक गरेर तहल्का मच्चाइसकेका छन् । नेपालमा पनि राजेश हमालको कमब्याक खानको जस्तै बलियो हुन्छ भन्ने आशा धेरैको छ । 

तर, नायक हमालले भने कमब्याकका लागि मन बनाएको देखिदैन । बरु, उनी म्युजिक भिडियो खेल्नमा नै व्यस्त छन् । राजेश हमाल भिडियो क्षेत्रका २ जना व्यक्तिको प्रोजेक्टमा खेल्न जहिले पनि राजी हुन्छन् । एक हुन्, देवेन्द्र पाण्डे, अर्को हुन् कृष्ण बीके । यी दुइको भिडियोमा हमाल जहिले पनि देखिन्छन् । 

हमालले विदेश यात्रा, महोत्व र भिडियोलाई पनि फिल्म नखेल्दा पनि निरन्तरता दिइरहेका छन् । उनले तीजका गीतको भिडियोमा पनि अभिनय गरे । अन्य विभिन्न शैलीका गीतका भिडियोमा पनि उनी देखिरहेका छन् । 

तर, आम दर्शकले हमालबाट फिल्म क्षेत्रमा बलियो कमब्याकको अपेक्षा गरिरहेका छन् । मिडियाबाट टाढै बस्ने हमाल भिडियो, विज्ञापन, महोत्सव र विदेश यात्रामा भने निरन्तर अगाडि छन् । के, नेपाली फिल्मले राजेश हमालबाट बलियो कमब्याकको अपेक्षा गर्न सक्छ ?