न्युजिल्याण्डमा प्रमोद र मेलिनाले गाउँने, सुमनले हसाँउने

दशैंको अवसर पारेर न्युजिल्याण्डमा ‘दशैं धमाका’ कार्यक्रमको आयोजना हुने भएको छ । लाखे इभेन्टले आयोजना गर्न लागेको कार्यक्रममा गायक प्रमोद खरेल, गायिका मेलिना राई र कमेडी कलाकार सुमन कार्कीले आफ्नो प्रस्तुति दिने भएका छन् । काठमाडौंमा आयोजना गरिएको पत्रकार सम्मेलनमा कार्यक्रमको बारेमा जानकारी दिइएको हो । इन्फोमेटिक कन्सल्टेन्सी पुतली सडकले यो कार्यक्रममा साथ दिएको छ । 

गायक प्रमोद खरेलले न्युजिल्याण्डका दर्शकहरुसँग कार्यक्रममा सहभागी हुन पाउँदा आफू उत्साहित भएको बताए । यस्तै, हाँस्य कलाकार सुमन कार्कीले न्युजिल्याण्ड जान पाउँदा आफू उत्साहित भएको बताए । न्युजिल्याण्डका विभिन्न ४ वटा शहरमा यो कार्यक्रम आयोजना हुने बताइएको छ ।

इन्फोमेटिक कन्सल्टेन्सीका प्रमुख ज्ञानेन्द्रमान जोशिले न्युजिल्याण्डमा नेपाली कार्यक्रम निकै कम हुने भएतापनि लाखे इभेन्टले यो कार्यक्रम आयोजना गर्न लागेको हुँदा कार्यक्रम सफल हुनेमा विश्वस्त रहेको सुनाए ।