फिल्ममा फर्किएपछि मुस्कुराएका पल

नायक पल शाह फिल्मको सेटमा फर्किएका छन् । पोखरामा छायांकन भैरहेको फिल्म ‘मायाबी’को सेटमा काम गरिरहँदा पल निकै खुशी देखिएका छन् । 

फिल्म क्षेत्रमा आफ्नो स्थान बनाइरहँदा पल शाहको जीवनमा एउटा घटना घटेको थियो । बलात्कारको मुद्दा लागेपछि पल शाहले एक बर्ष जेलमा बस्नु परेको  थियो । जिल्ला अदालतबाट क्लिन चिट पाएर निस्किएपछि उनले काम गरेको पहिलो फिल्म नै ‘मायाबी’ हो । 

यसैले, फिल्मको सेटमा पल शाह निकै खुशी देखिएका छन् । पोखराको मौसमका कारण फिल्मको छायांकनमा अवरोध भैरहेको वुझिएको छ । 

फिल्ममा पलको जोडीको रुपमा दीपिका प्रसाँइले काम गरिरहेकी छिन् । पल आफ्ना अभिनयका कोच सन्जोग रसाइलीसँग निकै खुशी देखिन्छन् । 

दिवाकर भट्टराइको निर्देशनमा राज कटुवाल र चन्द्र पन्तले निर्माण गरिरहेको यो फिल्म पल शाहको करिअरका लागि पनि महत्वपूर्ण छ । किनकी, यो फिल्म चलेको खण्डमा पलले जेल जानु अगाडि बनाइरहेको क्रेज फर्किन सक्छ ।