‘परदेशी २’को ‘कुरा सिधा छ’ गीत रिलिज

असोजको २६ गतेबाट रिलिजमा आउन लागेको फिल्म ‘परदेशी २’को निर्माणपक्षले प्रचारलाई तिव्रता दिइरहेको छ । फिल्मको टिजर र गीतहरु ध्माधम रिलिज भैरहेका छन् । यसैबिच, फिल्ममा समावेश ‘कुरा सिधा छ’ सार्वजनिक गरिएको छ । डान्सिङ शैलीको यो गीतमा प्रताप दास र मिना निरौलाको स्वर, बीबी अनुरागीको शब्द तथा संगीत छ ।

यो गीतको भिडियोमा फिल्मका मुख्य कलाकारहरु प्रकाश सपुत र वर्षा सिवाकोटीको नृत्य हेर्न सकिन्छ । गोविन्द राइको कोरियोग्राफी रहेको भिडियोलाई मिराज अर्यालले सम्पादन गरेका हुन् । 

नारायण रायमाझीको निर्देशनमा तयार भएको फिल्ममा केकी अधिकारी, प्रशान्त तामाङ, दिलिप रायमाझी, नीर शाह, रमा थपलिया लगायतका कलाकारको पनि अभिनय छ । रमेश बीजीको कथा तथा पटकथामा तयार भएको फिल्ममा राजेश वंशल र नारायण रायमाझीको लगानी छ ।

फिल्ममा मानकृष्ण महर्जनको छायांकन, दीर्घ खड्काको सम्पादन छ । यो फिल्मले विदेश पुगेका सन्तानको पर्खाइमा बसिरहेका बाबु–आमाको कथालाई प्रस्तुत गरेको छ ।