‘देव वाणी’ पौष २७ बाट रिलिज हुने

फिल्म ‘देव वाणी’ पौषको २७ गतेबाट रिलिज हुने भएको छ । आज फिल्मको फस्टलुक सार्वजनिक गर्दै यसको निर्माणपक्षले प्रदर्शन मिति पनि घोषणा गरेको हो । यो फिल्ममा कलाकार सुनिल थापाको साथमा नव–कलाकारद्धय कुन्दन भारद्धाज र अनुजा लेप्चाको मुख्य भूमिका छ ।

बाबु  साहेब बलामीको निर्देशनमा तयार भएको फिल्ममा ध्रुव कोइराला, घनश्याम गिरी, रविन्द्र झा, नन्दु श्रीवास्तव, अमिता श्राप, मौसम पौडेल, देव सिंह, प्रदीप ढकाल, काजोल राघवाणी, लक्ष्मीनाथ तिमिल्सिना लगायतका कलाकारको अभिनय छ । यो फिल्मको छायांकन सिमरा, वीरगन्ज र काठमाडौंमा गरिएको छ । यो फिल्मलाई नेपाली र हिन्दी भाषामा रिलिज गर्ने तयारी निर्माणपक्षको छ ।

मौसम फिल्मस् प्रोडक्शन हाउस र अनुजा इन्टरटेन्मेन्टको व्यानरमा निर्माण भएको यो फिल्ममा निराजन मेहत्ताको कथा, हरिबहादुर घलेको छायांकन, श्री श्रेष्ठको एक्सन छ । मौसम पौडेल प्रस्तुतकर्ता रहेको फिल्ममा मिना खड्का र हिराबहादुर लेप्चाको लगानी छ । फिल्मका कार्यकारी निर्माता महेन्द्र यादव, अपार गुरुङ हुन् । तेञ्जु योञ्जनको कोरियोग्राफी रहेको फिल्ममा मनोहर सुनामको संगीत छ, बन्दे प्रसादको सम्पादन छ ।