कौसिद ट्रेलरमा ऋणको कथा

अभिनेत्री ऋचा शर्मा र अभिनेता भोलाराज सापकोटा अभिनित फिल्म ‘कौसिद’को ट्रेलर सार्वजनिक गरिएको छ । ऋणको चपेटामा परेको पात्रको जीवन भोगाइ जोडिएको कथामा बनेको फिल्मको ट्रेलरले धेरै नेपालीको पीडा भाव बोल्छ । 

यही असोज २६ गतेबाट प्रदर्शनमा आउने फिल्मका निर्माता केदार भुषाल हुन् । विजया दशमीको छेको पारेर फिल्म प्रदर्शनमा ल्याउन लागिएको हो । फिल्ममा कुमार भास्करको निर्देशन छ ।

फिल्ममा भोलाराज सापकोटा र ऋचा शर्मासँगै रुपेश दाहाल, परिक्षित विक्रम राणा, सदिक्षा गौतम, निर्भिक भट्टराई, सागर भट्टराई, सन्दीप लोहनीलगायतका कलाकारको अभिनय रहेको छ । फिल्मका कार्यकारी निर्माता दिमेश श्रेष्ठ र सह–निर्माता लक्ष्मण बानियाँ हुन् ।

फिल्ममा नव विजय प्रकाश श्रेष्ठ र धिर्जन थपलियाको कथा रहेको छ । निसाल पौडेलको छायाङ्कन रहेको फिल्ममा भीम विश्वकर्माको सम्पादन, सुदीप श्रेष्ठको कलर रहेको छ । फिल्मको वितरण आरआर फिल्म्सले गर्नेछ ।