कस्तो बन्यो निश्चलको ‘दिमाग खराब’को टिजर ?

फिल्म ‘लुट’ बनाएर नेपाली फिल्म क्षेत्रमा ट्रेन्ड नै परिवर्तन गरेका निर्देशक निश्चल बस्नेतले केही बर्षको विश्रामपछि नयाँ फिल्म ‘दिमाग खराब’ दर्शकमाझ ल्याउने तयारी गरेका छन् । यो फिल्म कार्तिकको २४ गतेबाट रिलिज हुँदैछ । 

बिहिबार फिल्मको टिजर सार्वजनिक गरिएको छ । सार्वजनिक टिजरमा जनता र शक्तिविचको कथालाई प्रस्तुत गरिएको छ । 

फिल्मको टिजरमा नायक दयाहाङ राई, खगेन्द्र लामिछाने, अर्पण थापा, बिजय बराल, वुद्दि तामाङ, स्वस्तिमा खड्का लगायतका कलाकारको अभिनय छ । 

रौनक विक्रम कँडेलको निर्माणमा तयार भएको फिल्ममा कार्यकारी निर्माताको रुपमा सुरज बम ठकुरी छन् । आकाश बरालको लेखन रहेको फिल्ममा सुसन प्रजापतिको छायांकन छ । 

निमेष श्रेष्ठको सम्पादन रहेको फिल्ममा राजकुमार उप्रेतिको एक्सन निर्देशन, जयन जे वाइवा र बाबुल गिरीको संगीत छ । 

नेपालमा राजनीतिक कथामा फिल्म बनिरहेको समयमा निश्चलले पनि सोही कथा समातेका छन् ।