‘एक भगवत् गीता’को ‘के तिमीलाई यो कुरा’ सार्वजनिक, सुहानासँग जेभिस–जेभिनको केमेष्ट्री

भदौको २९ गतेबाट रिलिज हुन लागेको फिल्म ‘एक भगवत् गीता’मा समावेश ‘के तिमीलाई यो कुरा को’ सार्वजनिक गरिएको छ । कृष्णाजन्मष्टमीको अवसर पारेर यो गीत सार्वजनिक गरिएको हो । हकुर्लस बस्नेत, राजज्ञा श्रेष्ठ, सुमन गुरुङको स्वर, हर्कुलस बस्नेतको संगीत रहेको गीतमा सविन एकतारको शब्द छ ।
 
कविराज गहतराजको कोरियोग्राफी रहेको यो गीतमा राजेश श्रेष्ठको छायांकन, मित्र डी गुरुङको सम्पादन छ । सुनिल कुमार थापा प्रोडक्शनको ब्यानरमा निर्माण भएको यो फिल्ममा सुहाना थापाको कन्सेप्ट, झरना थापाको कथा छ । 

फिल्ममा झरना थापा, सरिन पोखरेल, परिच्छेद सेन, पुरुषोत्तम ढुंगेल र कृष्णको पटकथा छ । फिल्ममा परिच्छेद सेन, पुरुषोत्तम प्रधान र सरिन पोखरेलको संवाद छ । 

हकुर्लस बस्नेत, आशिष अविरल, बाबुल गिरी र प्रवेश मल्लिकको संगीत रहेको फिल्मलाई झरना थापाले निर्देशन गरेकी हुन् । यो फिल्ममा विपिन कार्की, सुहाना थापा, धिरज मगर, जेभिन र जेभिसको अभिनय छ । सार्वजनिक भिडियोमा सुहाना र जेभिन–जेभिसबिचको केमेष्ट्री प्रस्तुत गरिएको छ ।