यस्तो छ टोरोन्टो फिल्म फेस्टिवलमा प्रिमियर हुने ‘गाउँ आएको बाटो’को ट्रेलर

‘गाउँ आएको बाटो’को ट्रेलर सार्वजनिक भएको छ। नविन सुब्बाको तेश्रो निर्देशकीय यो फिल्म ४८ औं संस्करणको टोरोन्टो फिल्म फेस्टिवलमा प्रिमियर हुँदैछ । 

सेप्टेम्बर ७ फिल्मको विश्वव्यापी प्रिमियर हुनेछ भने सेप्टेम्बर १० मा पब्लिक स्क्रिनिङ हुनेछ । 

टोरन्टोको वेबसाइटअनुसार ‘गाउँ आएको बाटो’को पब्लिक स्क्रिनिङको टिकट पूरै बिक्री भइसकेको देखिएको छ ।
 

टोरन्टोमा हुने रेडकार्पेट प्रिमियरमा अभिनेता दयाहाङ राई, अभिनेत्री पशुपति राई, निर्देशक नवीन सुब्बा, निर्माता अमोद राई, छायाकार जोस हेरम, म्युजिसियन हाइडी ली, लाइन प्रोड्युसर मिनिसो लिम्बू, कार्यकारी निर्माता भीम राई सहभागी हुँदैछन्  ।
 

प्रिमियरमा उपस्थित हुन दयाहाङ र पशुपति मंगलबार बेलुका त्यसतर्फ प्रस्थान गर्दैछन् । दयाहाङ सेप्टेम्बर १२ सम्म क्यानडामा रहने कार्यक्रम छ । 
निर्देशक, निर्माता र अभिनेत्री पशुपति राई सेप्टेम्बर १८ सम्म टोरन्टोमा रहनेछन् ।