‘उपहार’लाई नयाँ बर्षमा ल्याउँदै रेखा

नायिका रेखा थापाको निर्माणमा छायांकन भैरहेको फिल्म ‘उपहार’को प्रदर्शन मिति तय गरिएको छ । यो फिल्मलाई नयाँ बर्ष २०८० को छेकोमा रिलिज गर्ने घोषणा गरिएको छ । 

नयाँ बर्ष र दशैं रेखाको लागि मनपर्ने मिति मानिन्छन् । यसैले, रेखाले नयाँ बर्षलाई नछाड्ने निर्णय गरेकी हुन् । 

ज्ञानेन्द्र देउजाको निर्देशनमा तयार भैरहेको यो फिल्मले ३ महिला पात्रको कथालाई प्रस्तुत गरेको छ । फिल्ममा रेखा थापा, पूजा शर्मा र बेनिशा हमाल मुख्य भूमिकामा छन् । साथमा, फिल्ममा मुकुन भुषाल, तेज गिरी र समर्पण थापाको मुख्य भूमिका छ । 

यो फिल्मलाई रिच इन्टरटेन्मेन्ट र एफडी ग्रुपले काठमाडौं भित्र र मोफसलमा वितरण गर्नेछन् । यो फिल्ममा तिन चर्चित नायिकाहरुको अभिनय रहेकाले पनि दर्शकले प्रतिक्षा गरिरहेका छन् । 

यसअघि नयाँ बर्षमा ‘डिग्री माइला र काजी’को प्रदर्शन मिति तय गरिसकिएको छ ।