नीता ढुंगानालाई पितृ शोक

नायिका नीता ढुंगानाका पिता सोमप्रसाद ढुंगानाको निधन भएको छ । उनको शनिबार बेलुकी ८० बर्षको उमेरमा निधन भएको हो । नीताको पिताको आज दाहासंस्कार गरिएको छ ।

नीताका पितालाई फिल्मीकर्मी र आफन्तले सामाजिक संजालबाट श्रद्धाञ्जली व्यक्त गरेका छन् । नीताले बाल्यकालमै आमा गुमाएकी थिइन् । पिता सोमप्रसादसँग निकै नजिक रहेकी नीताले गतबर्ष सामाजिक संजालमा बुबाको मुख हेर्ने दिनको खुशी व्यक्त गर्दै भिडियो पोष्ट गरेकी थिइन् । तर, यसपटक भने उनले बुबाको मुख हेर्न नपाउने भएकी छिन् । 

नीताले आफ्नो पितालाई भगवान् भन्दै सामाजिक संजालमा श्रद्धाञ्जली व्यक्त गरेकी छिन् ।