‘गणपति’को ‘उन भित्र गुन’ गीत सार्वजनिक

ट्रेलरमा समावेश भएको २ लाइनले नै टिकटकमा चर्चा पाएको फिल्म ‘गणपति’मा समावेश ‘उन भित्र गुन’को पुरा भिडियो र अडियो सार्वजनिक गरिएको छ । शंकर अधिकारी ‘घायल’ले लेखेको शब्दमा बाबुल गिरीले स्वर र संगीत भरेको गीत निकै कर्णप्रिय छ ।

रिजाल एण्ड रिजाल प्रोडक्शनको ब्यानरमा निर्माण भएको यो फिल्म भदौको १४ गते विहिबारबाट रिलिज हुँदैछ । फिल्मको ट्रेलरलाई दर्शकले निकै मन पराएका छन् । फरक कथामा निर्माण भएकाले पनि दर्शकले फिल्मलाई माया गर्ने निर्माणपक्षको विश्वास छ । 

लक्ष्मण रिजालको निर्माता रहहेको फिल्मका सह–निर्माता बनिष शाह हुन् । रामप्रसाद रिजालको प्रस्तुतिमा तयार फिल्ममा विज्ञान केसी र अरविन्द्र गिरी कार्यकारी निर्माताको रुपमा छन् । 

यो फिल्ममा मुकुन भुषाल, मेनुका प्रधान, प्रकाश घिमिरे, सूर्यमाला शर्मा, राजाराम पौडेल, अन्सु महर्जन, पुष्कर गुरुङ, जयनन्द लामा, सुशिल पोखरेल, देवेन्द्र बब्लु, कालु राना, कविता न्यौपाने लगायतका कलाकारको अभिनय छ । 

हरि लामा घलेको छायांकन रहेको फिल्ममा सविन अधिकारी र असिम काफ्लेको पटकथा तथा संवाद, कविराज गहतराजको कोरियोग्राफी छ । यो फिल्मलाई सविन अधिकारीले लेखन तथा निर्देशन गरेका हुन् ।