गौरवको ‘दुई कदम’ मंसिर २९ गतेबाट रिलिज हुने

उदय सुब्बाको निर्देशनमा तयार भएको फिल्म ‘दुई कदम’को प्रदर्शन मिति घोषणा गरिएको छ । यो फिल्म मंसिरको २९ गतेबाट रिलिज हुने भएको छ । फिल्मको २ वटा फस्टलुक सार्वजनिक गर्दै प्रदर्शन मिति तय गरिएको हो ।

फिल्मको फस्टलुकमा गौरव पहारी, इओन लिम्बु र सिमोन गिरीलाई देख्न सकिन्छ । गौरव भने पोष्टरमा एंग्री अवतारमा देखिएका छन् । अजय फिल्मस्को व्यानरमा निर्माण भएको फिल्ममा तारा देवी लिम्बुको लगानी छ ।

यो फिल्ममा गौरव, इओन र सिमोनका साथमा सुनिल थापा, कविता आले, वुद्दि तामाङ, अर्जुन गुरुङ लगायतका कलाकारको अभिनय छ । यस्तै, फिल्मको एक गीतको भिडियोमा विल्सन विक्रम राइको विशेष भूमिका हेर्न सकिन्छ ।

दयाराम घिमिरेको कथा तथा पटकथा लेखनमा तयार भएको फिल्ममा विक्रम डीसीको छायांकन, ताराप्रकाश लिम्बु र विकास चौधरीको संगीत, राजु किराँतीको एक्सन, रामजी लामिछानेको कोरियोग्राफी, प्रविन ढकालको सम्पादन छ । फिल्मको छायांकन तेह्रथुमको वसन्तपुर, इलाम, झापा, धरानमा गरिएको हो ।