‘महाजात्रा’ निर्माणको घोषणा, चैत्र ९ बाट रिलिज पक्का

षट्कोण आर्टस्ले हिट फिल्म ‘जात्रा’को तेश्रो सिक्वेल निर्माणको घोषणा गरेको छ । फिल्मको नाम ‘महाजात्रा’ राखिएको छ । यो फिल्मलाई प्रदीप भट्टराइले लेखन तथा निर्देशन गर्दैछन् । फिल्ममा म्याक्स् दीपेश खत्री र यज्ञश्वर पौडेलको लगानीमा निर्माण हुने यो फिल्मका कार्यकारी निर्माता रविन्द्र सिंह बानियाँ हुन् । 

फिल्ममा विपिन कार्की, रविन्द्र सिंह बानियाँ, रविन्द्र झा, वर्षा राउतको मुख्य भूमिका रहनेछ । फिल्ममा कलाकार हरिवंश आचार्यको पनि मुख्य भूमिका रहने भएको छ । हरिवंश आचार्यलाई निर्देशक भट्टराइले कसरी प्रस्तुत गर्नेछन्, त्यो खुलेको छैन । तर, उनको प्रवेशले फिल्मलाई लिएर दर्शकमा झनै उत्साह बढ्ने पक्का छ । 

यो फिल्मको प्रदर्शन मिति समेत तय गरिएको छ । फिल्मलाई चैत्रको ९ गतेबाट रिलिज गर्ने घोषणा निर्माण ब्यानरले गरेको हो । 

‘जात्रा र जात्रै जात्रा’ले बक्स अफिसमा हिटको व्यापार गरेका थिए । यसको तेश्रो सिक्वेललाई लिएर दर्शकहरुमा प्रतिक्षा थियो । यसैले, बक्स अफिसमा यो फिल्म पनि सुपरहिट हुने पक्का छ ।