बक्स अफिसमा ३ महिना खडेरी, नयाँ फिल्मबाट आशा

३ महिना लामो बक्स अफिसको खडेरी पार गरेको नेपाली फिल्म क्षेत्रले आजबाट भने केही नयाँ आशा गरेको छ । वैशाखको १ गतेबाट रिलिज भएको फिल्म ‘जारी’ले बम्पर व्यापार गरेपछि रिलिज भएका कुनै पनि फिल्मले लोभलाग्दो व्यापार गर्न सकेका छैनन् । फिल्म ‘बगान’को व्यापारले केही शितलता महशुश गराएपनि ठूलै राहत दिन सकेन । 

आजबाट रिलिज भएका २ नेपाली फिल्मबाट केही आशा गर्न सकिन्छ । भदौ महिना लागेसँगै नेपाली फिल्मको रिलिज क्यालेन्डर पनि बाक्लो छ । आजबाट फिल्म ‘हिड्दा हिड्दै र जुलेबी’ रिलिजमा आएका छन् । 

आजबाट रिलिजमा आएका २ नेपाली फिल्मले व्यापारमा देखिएको खडेरीलाई केही हदसम्म रोक्ने आशा गरिएको छ । तर, दुबै फिल्मको गुमनाम रिलिजले फिल्म क्षेत्र उत्साहित देखिएको भने छैन । 

मिलन आले मगरको निर्देशनमा तयार भएको फिल्म ‘हिड्दा हिड्दै’मा आकाश श्रेष्ठ, सलोन बस्नेत, रेखा शाह, सानिया खान लगायतको अभिनय छ । यस्तै, गणेश देव पाण्डेको निर्देशनमा तयार भएको फिल्म ‘जुलेबी’मा सुरक्षा पन्त, उषा रजक, निशा अधिकारी, सुशिल सिटौला लगायतको अभिनय छ । 

दुबै फिल्मको बिषयवस्तु फरक भएकाले पनि दर्शकका लागि दुबै फिल्म फरक स्वादका हुन सक्छन् ।