‘एक भगवत् गीता’को ३ फरक पोष्टर रिलिज

भदौको २९ गतेबाट रिलिजमा आउन लागेको फिल्म ‘एक भगवत् गीता’को टिजर सार्वजनिक भैसकेको छ । अब, यसको निर्माणपक्षले ३ फरक पोष्टर सार्वजनिक गर्दै प्रचार आरम्भ गरेको हो । भदौ महिना लागेसँगै फिल्मको प्रचारलाई आक्रामक रुपमा अगाडि बढाउने तयारी यसको निर्माणपक्षको छ । 

फिल्मको ३ फरक पोष्टरमा मुख्य कलाकारहरुलाई समावेश गरिएको छ । एक पोष्टरमा नायक विपिन कार्कीको भिन्न लुक्स देख्न सकिन्छ । यस्तै, अर्को एक पोष्टरमा नायिका सुहाना थापा र नायक धिरज मगर रोमान्टिक देखिएका छन् । यस्तै, तेश्रो पोष्टरमा सुहाना थापा र बाल कलाकारलाई देख्न सकिन्छ । 

यी तिन फरक पोष्टरले फिल्मको कथा सार भन्न खोजेका छन् । फिल्म भित्र रोमानन्स, लभ, मित्रता र क्रोधको कथा रहेको वुझ्न सकिन्छ । 

झरना थापाको निर्देशनमा तयार भएको यो फिल्ममा सुनिल कुमार थापाको लगानी छ । यसपटक झरनाले कमर्सियल बिषयवस्तुमा अझै बढी जोड दिएको देख्न सकिन्छ ।