सुरक्षा, निशा, उषाको ‘जुलेबी’लाई मल्टिप्लेक्समा न्यून शोे

भोलीबाट रिलिजमा आउन लागेको फिल्म ‘जुलेबी’ पनि मल्टिप्लेक्समा नराम्रोसँग च्यापिएको छ । यो फिल्मलाई प्रदर्शकहरुले झारा टार्ने तरिकाले शोज दिएका छन् । 

सुरक्षा पन्त, निशा अधिकारी, उषा रजक, सुशिल सिटौला जस्ता कलाकारको अभिनय रहेको यो फिल्मले अधिकांश मल्टिप्लेक्समा एक शोजमा नै चित्त वुझाउनु परेको छ । 

क्यूएफएक्सले यो फिल्मलाई हरेक हलमा १ शो मात्र उपलब्ध गराएको छ । यस्तै, बीग मुभिजमा १ शो, वान सिनेमाज्मा १ शो मात्र यो फिल्मले पाएको छ । 

गणेशदेव पाण्डेको निर्देशनमा तयार भएको फिल्मले ४ पात्रको ३ फरक कथा भन्छ । तर, फिल्मको प्रचार प्रसार कमजोर हुँदा प्रदर्शकहरुले यो फिल्मलाई पनि विश्वास गर्न नसकेको देखिन्छ । फिल्मको वर्ड अफ माउथ सुखद आएको खण्डमा शोज बढ्न सक्छ ।