काठमाडौंका मल्टिप्लेक्सले आकाशको ‘हिड्दा हिड्दै’लाई शो नै दिएनन्

नायकद्धय आकाश श्रेष्ठ र सलोन बस्नेतको साथमा नव–कलाकार रेखा शाहको मुख्य भूमिका रहेको फिल्म ‘हिड्दा हिड्दै’ भोलीबाट देशभरका हलमा रिलिज हुँदैछ । 

भोलीबाट देशभरका हलमा रिलिज हुन लागेको फिल्मको ओपनिङ निकै कमजोर हुने प्रक्षेपण गर्न सकिन्छ । किनकी, देशका मुख्य मल्टिप्लेक्सहरुले यो फिल्मलाई शो नै उपलब्ध गराएका छैनन् । मिलन आले मगरको निर्देशनमा तयार भएको फिल्मलाई काठमाडौंमा क्यूएफएक्स र वीग मुभिजले शो नै उपलब्ध गराएका छैनन् । यस्तै, वान सिनेमाज्ले मात्र शो दिएको छ । 

काठमाडौं बाहिर पनि फिल्मलाई मल्टिप्लेक्सहरुले १ शोमै सिमित पारेका छन् । हलमा ‘गदर २ र ओ माई गड २’को दबदबा कायम रहेको अवस्थामा आकाश श्रेष्ठको फिल्मले भने कमजोर अवस्था भोग्नु परेको हो । 

लभ स्टोरी कथामा बनेको यो फिल्मलाई किन मल्टिप्लेक्सहरुले भेदभाव गरे, यो उनीहरुले नै जान्ने कुरा हो । तर, फिल्मको निकै नै फितलो प्रचार, फितलो प्रचार सामाग्रीका कारण मल्टिप्लेक्सहरुले फिल्म माथि विश्वास नगरेको देखिन्छ ।