राम्रो अभिनय गर्ने सुशिल सिटौलालाई फिल्म क्षेत्रमा टिक्नै गाह्रो

फिल्म ‘होस्टेल रिटन्र्स’बाट नेपाली फिल्म क्षेत्रमा प्रवेश गरेका नायक हुन्, सुशिल सिटौला । सुशिलको अभिनयको सर्वत्र प्रशंसा पनि हुन्छ । तर, उनलाई फिल्म क्षेत्रमा टिक्न भने धौ धौ परिरहेको छ । 

उनलाई मुख्य नायकको रुपमा लिएर निर्माण भएको फिल्म ‘रणवीर’ चलेन । तर, यो फिल्ममा उनको अभिनय गज्जब थियो । फिल्ममा उनको एक्सन अवतारले धेरैको मन जित्यो । तर, फिल्म नचलेपछि सुशिल पनि चलेनन् । उनै, सुशिलले अभिनय गरेका २ फिल्म भदौ महिनामा रिलिज हुँदैछन् । उनी अभिनित फिल्म ‘जुलेबी’ भदौको १ गतेबाट रिलिज हुँदैछ भने फिल्म ‘एैँचो पैँचो’ भदौको १४ गतेबाट रिलिज हुँदैछ । 

यी दुबै फिल्म सुशिलका  लागि महत्वपूर्ण छन् । किनकी, कलाकारलाई फिल्म क्षेत्रमा चल्नका लागि व्यापारिक रुपमा पनि सफल हुनुपर्छ । सुशिल व्यापारिक रुपमा असफल हुँदा नै पछि परिरहेका छन् । 

दुबै फिल्ममा उनको भूमिका फरक छ । यसैले, यसपटक उनले दर्शकको मन जित्ने अपेक्षा गर्न सकिन्छ ।