मुकुनको वरिपरी घुमेको ‘गणपति’को ट्रेलर

भदौको १४ गतेबाट रिलिज हुन लागेको फिल्म ‘गणपति’को ट्रेलर सार्वजनिक भएको छ । 

मानिस र भगवान् बिचको फरक छुट्याउने कथामा तयार भएको यो फिल्मको ट्रेलर नायक मुकुन भुषालको वरिपरि घुमेको छ । जन्मदा भगवान्को रूप लिएर जन्मिएका मुकुनको जीवनमा आइपर्ने उतारचढाव, वियोग, प्रेमको कथामा यो फिल्म बनेको छ । 

रामप्रसाद रिजालको निर्माणमा तयार भएको यो फिल्ममा लक्ष्मण रिजालको लगानी छ । फिल्ममा विज्ञान केसी र अरविन्द्र गिरी कार्यकारी निर्माताको रूपमा छन् । 

यो फिल्ममा मुकुन भुषाल, मेनुका प्रधान, प्रकाश घिमिरे, सुर्यमाला शर्मा, राजाराम पौडेल, कविता न्यौपाने, अन्शु महर्जन, पुष्कर गुरुङ, जयनन्द लामा, सुशिल पोखरेल, देवेन्द्र बब्लु लगायतका कलाकारको अभिनय छ । 

फिल्ममा हरि घले लामाको छायांकन, बाबुल गिरीको संगीत, सविन अधिकारी र असिम काफ्लेको पटकथा तथा संवाद छ । फिल्मका लेखक तथा निर्देशक सविन अधिकारी हुन् । 

फिल्मको ट्रेलरले सामाजिक परिवेश झल्काएको छ । फिल्मको ट्रेलरलाई दर्शकले मन पराउने देखिएको छ । जसकाकारण, फिल्मको बक्स अफिसमा प्रभाव पर्न सक्छ ।