‘नम्बरी सुन’ को प्रदर्शन मिति हेरफेर, अब ५ महिना पछाडि रिलिज हुने

फिल्म ‘नम्बरी सुन’ को प्रदर्शन मिति हेरफेर गरिएको छ । 

यसअघि यो फिल्म भदौ १ गते रिलिज हुने भनिएको थियो । यसको निमार्ण टिमले आज मंगलबार नयाँ रिलिज मितिसहितको पोस्टर सार्वजनिक गर्दै माघ १९ मा प्रदर्श हुने जानकारी गारएको छ ।

राजु गिरी निर्देशित फिल्म ‘नम्बरी सुन’ को टिजर र एक गीत सार्वजनिक भैसकेको छ । भदौ १ मा अरु दुईवटा फिल्म रिलिज हुने भएपछि ५ महिना पछाडि धकेलिएको चर्चा छ ।

नारायण खाती प्रस्तुतकर्ता रहेको फिल्ममा गौरव पहाडी, नम्रता सापकोटा, सरोज खनाल, गौरव दर्पण, बुद्धि तामाङ, राजाराम पौडेल, विनोद न्यौपाने, किरण नेपाली, राजेन्द्र खड्गी, सविन बास्तोला, गीता अधिकारी,लगायत कलाकारको अभिनय छ।

सुवर्ण शिभान्स फिल्म्सको ब्यानरमा निर्माण भएको फिल्ममा सरोज खाती, सविन खाती र मनोज रिजालको लगानी छ। यो फिल्मको छायांकन लमजुङको भुजुंङ खोला, हेटौंडा, काठमाडौंका विभिन्न ठाउँमा गरिएको हो।

दिव्य सुवेदीले छायांकन गरेको फिल्ममा गौतमराज खड्काको सम्पादन, अर्जुन पोखरेल र सन्तोष श्रेष्ठको संगीत, रामजी लामीछानेको नृत्य, समीर मियाँको भिएफएक्स, दिव्य सुवेदीको छायांकन, देव महर्जनको द्वन्द्व, विनोद भुजेलको ब्याकग्राउन्ड स्कोर, मनोरञ्जन श्रेष्ठको कलर करेक्सन छ। फिल्मलाई काठमाडौं उपत्यकामा जिजिए ग्रुप र उपत्यका बाहिर एफडी कम्पनीले वितरण गर्दैछ।