‘रावायण’मा अनमोलको जोडी नीति शाह

नायिका नीति शाहले नायक अनमोल केसीको जोडी बन्ने गरि नयाँ फिल्म साइन गरेकी छिन् । नीतिले निर्देशक सुदर्शन थापाको निर्देशनमा बन्न लागेको फिल्म ‘रावायण’ साइन गरेकी हुन् । नीति शाह र निर्माणपक्षविच औपचारिक रुपमा कागजी संझौता भएको तस्वीर सार्वजनिक भएको छ । 

निर्देशक थापाले यो फिल्मलाई भदौबाट छायांकनमा लैजाने तयारी गरेका छन् । फिल्ममा नीतिले सीताको भूमिका निर्वाह गर्ने बताइएको छ । यसअघि पनि नीतिले अनमोलसँग फिल्म ‘एक्स ९’मा काम गर्ने गरि संझौता गरेकी थिइन् । तर, यो फिल्म बनेन । तर, अब भने सुदर्शनको फिल्ममा नीति र अनमोलको जोडी जम्ने पक्का भएको हो । 

यो फिल्ममा नायक अनमोल केसीको दोहोरो भूमिका हुनेछ । फिल्ममा अनमोल नायक र खलनायकको भूमिकामा देखिन लागेको वुझिएको छ ।