रेखाको फिल्ममा बेनिशाको इन्ट्री

नायिका बेनिशा हमालले ज्ञानेन्द्र देउजाको निर्देशनमा बन्न लागेको नयाँ फिल्म ‘उपहार’ साइन गरेकी छिन् । निर्माणपक्ष र बेनिशाबिच हिजो (आइतबार) फिल्मका लागि कागजी संझौता गरेका हुन् । 

फिल्मका लागि मुख्य नायिकाको रुपमा रेखा थापा र पूजा शर्मा फाइनल भैसकेका थिए । अब, बेनिशा पनि फाइनल भएपछि मुख्य ३ नायिकाहरुको लाइनअप फाइनल भएको छ । 
यो फिल्मले ३ महिला पात्रको कथा भन्छ । निर्देशक ज्ञानेन्द्र देउजाले पनि फिल्मका लागि बेनिशालाई फाइनल गरेको पुष्टी गरे । 

फिल्ममा नायकको रुपमा मुकुन भुषाल र ‘मिस्टर नेपाल’ समर्पण कार्कीले काम गर्दैछन् । अब, एक जना नायक फाइनल गरेपछि फिल्मका मुख्य कलाकारहरुको लाइनअप पुरा हुनेछ । 
यो फिल्मको छायांकन भदौबाट सुरु गर्ने तयारीमा यसको निर्माण टिम छ ।