प्रदीप र पलको फिल्म अन्यौलमा

नायक पल शाहले निर्देशक दिनेश राउतसँग मिलेर निर्माण गर्न लागेको फिल्म अन्यौलमा परेको छ । यो फिल्मको कथा लेख्ने काम चलिरहेको थियो । दिनेशले पनि विकास सुवेदीलाई कथा लेख्ने जिम्मेवारी दिएका थिए । 

नायक पल शाहले पनि यो फिल्मबाट बलियो कमब्याक गर्ने तयारी गरेका थिए । तर, अब यो फिल्म निर्माण नै अन्यौलमा परेको वुझिएको छ । यो फिल्ममा नायक पल शाहसँगै प्रदीप खड्काले पनि काम गर्ने पक्का भएको थियो । तर, अब प्रदीपले फिल्मबाट हात झिकेको वुझिएको छ । 

प्रदीपले पनि फिल्मबाट हात झिकेको अवस्थामा यो फिल्म निर्माण नै अन्यौलमा परेको छ । भदौबाट छायांकनमा जाने भनिएतापनि फिल्मको काम अगाडि बढ्न सकेको छैन । 
दिनेशले स्वप्न सुमनसँग बनाउने भनेको फिल्मको काम रोकेर यो फिल्मको निर्माण अगाडि बढाएका थिए । 

विकास सुवेदीले नै पललाई दिनेशसँसग भेट गराएर काम गर्ने प्रस्ताव गरेका थिए । तर, पल शाह, प्रदीप खड्का, आर्यन सिग्देलसँग जस्ता तीन चर्चित नायकहरुले एकसाथ काम गर्न लागेको फिल्म अब नबन्ने चर्चा समेत फिल्म वृत्तमा चल्न थालेको छ ।