को–को हुन् स्वस्तिमाका ३ ‘लक्की चार्म’ ?

भदौको १४ गतेबाट रिलिज हुन लागेको फिल्म ‘एैँचो पैँचो’मा स्वस्तिमाका ३ ‘लक्की चार्म’ कलाकार एकसाथ देखिदैछन् । स्वस्तिमा यी तिन कलाकारको उपस्थितीले पनि फिल्मको व्यापारमा लक लाग्छ भन्नेमा ढुक्क छिन् । कृषा चौलागाँई निर्देशित यो फिल्मको टिजर र गीत सार्वजनिक भैसकेको छ । 

स्वस्तिमाले अभिनय गरेको डेब्यू फिल्म ‘होस्टेल रिटन्र्स’मा नायक सुशिल सिटौलाले काम गरेका थिए । यो फिल्म व्यापारिक रुपमा सफल भयो । यस्तै, स्वस्तिमाले नै अभिनय गरेको अर्को फिल्म ‘छक्का पन्जा २’मा नायिका वर्षा राउतले काम गरेकी थिइन् । यो फिल्म पनि व्यापारिक रुपमा ब्लकबस्टर नै भयो । 

स्वस्तिमाले फिल्म ‘बुलबुल’मा कलाकार मुकुन भुषालसँग अभिनय गरिन् । यो फिल्मले व्यापारिक रुपमा औषत सफलता हात पारेपनि सर्वाधिक चर्चा भने कमायो । स्वस्तिमाको करिअरका लागि यो फिल्म ‘कोशे ढुंगा’ नै साबित भएको थियो । 

उनै, स्वस्तिमासँग सुशिल, वर्षा र मुकुनले फिल्म ‘एैंचो पैंचो’मा काम गरेकी छिन् । यसैले, यी चार कलाकार एकसाथ पर्दामा आउँदा कृषाको लगानी समेत रहेको फिल्मले व्यापारिक रुपमा सफलता पाउने विश्वास गरिएको छ । 

स्वस्तिमाका लागि ३ ‘लक्की चार्म’हरुको साथ त फिलममा छदै छ । तर, फिल्मले कमाई गर्नका लागि यसको कथा र प्रस्तुति पनि उत्कृष्ट हुन आवश्यक छ । यदि, यस्तो भयो भने कृषा चौलागाँइको डेब्यू निर्देशनले नयाँ गोरेटो कोर्न सक्नेछ ।