‘एैंचो पैंचो’को ‘काले केटाले’ गीतमा स्वस्तिमा र वर्षासँग मुकुन र सुशिलको छमछमी

भदौको १४ गतेबाट रिलिज हुन लागेको नेपाली फिल्म ‘एैंचो पैंचो’मा समावेश पहिलो गीत सार्वजनिक गरिएको छ । ‘काले केटाले’ बोलको गीत आज काठमाडौंमा  पत्रकार सम्मेलनको आयोजना गर्दै  सार्वजनिक गरिएको हो । 
आशिष अविरल र अस्मिता अधिकारीको स्वर रहेको यो गीतमा एकनारायण भण्डारीको शब्द, आशिष अविरलको संगीत छ । 

केपी फिल्मस्को ब्यानरमा निर्माण भएको यो फिल्मको टिजरले दर्शकको मन जितिसकेको छ । फिल्ममा स्वस्तिमा खड्का, मुकुन भुषाल, वर्षा राउत, सुशिल सिटौला, कोशिश क्षेत्री, राजाराम पौडेल, शारदा गिरी, बुद्दि तामाङ, विशाल पहारी, रमेश वुढाथोकी, रविन्द्र झा, सुमन मोटेको अभिनय छ । 

फिल्मको यो गीतमा पनि मुख्य कलाकारहरुले नृत्य गरेका छन् । पुरुषोत्तम प्रधानको छायांकन रहेको यो फिल्ममा विपिन मल्ल र भूपेन्द्र अधिकारीको सम्पादन, अभिमन्यू निरवीको कथा, कविराज गहतराजको कोरियोग्राफी छ । 

कृषा चौलागाँइको निर्देशनमा तयार भएको यो फिल्ममा प्रितम लामिछाने र आध्या लामिछानेको लगानी छ । विशाल चौलागाँई सह–निर्माता रहेको यो फिल्मले राजनीतिको कथा भन्छ ।