दीपकराजको हलमा ‘छक्का पन्जा ४’ रि–रिलिज हुने

काठमाडौंको नयाँ बाँनेश्वरमा भदौको तेश्रो साताबाट सुरु हुन लागेको कलाकार दीपकराज गिरी र उनको टिमको नयाँ हलमा ‘छक्का पन्जा ४’ रि–रिलिज हुने भएको छ । 

गतबर्ष फागुणको १९ गतेबाट रिलिज भएर बम्पर व्यापार गरेको यो फिल्मलाई दीपकराले आफ्नो हलको उद्घाटनमा रिलिज गर्ने तयारी गरेका छन् । मेरो  फिल्मसँग कुराकानी गर्दै दीपकराजले भने–‘संभवत हामीले हलको सुरुवात भदौ १४ गते रिलिज हुन लागेका नेपाली फिल्मबाट गर्छौ होला । साथमा, यही मितिमा फिल्म ‘छक्का पन्जा ४’ पनि प्रदर्शन हुनेछ । 

आफैले निर्माण गरेको फिल्म भएकाले पनि आफ्नै हलमा फेरि रिलिज गर्ने सोच दीपक र उनको टिमले लिएको हो । 

दीपकको हलमा २ वटा पर्दा छन् । दुबै पर्दामा थ्री डी प्रविधिबाट फिल्म हेर्न मिल्ने व्यवस्था गरिएको छ । 

नेपालमा मल्टिप्लेक्स हलहरु बढ्दै गरेको अवस्थामा सिंगल हलहरु भने निकै कम भैसकेका छन् । फिल्म निर्माणमा सफल भएपछि दीपकराज र उनको टिमले हलमा लगानी गरेको हो ।