चार महिला पात्रको प्रेमकथामा आधारित ‘जुलेबी’ को पोस्टर सार्वजनिक

चार महिला पात्रको प्रेमकथामा आधारित फिल्म ‘जुलेबी’ को पोस्टर सार्वजनिक गरिएको ।

आगामी भाद्र १ गतेबाट देशभर प्रदर्शनमा आउने फिल्मको निर्माता आभा शर्मा नेपालको जन्म दिनको अवसर पारेर पोस्टर सार्वजनिक गरिएको हो। पोस्टर सार्वजनिक संगै फिल्मको प्रचार प्रसारको कार्य पनि अघि बढेको निर्माता आभाले बताइन्।

नारी पात्रलाई विशेष महत्त्व दिइएको फिल्मको शीर्ष भूमिकामा उषा रजक, सुरक्षा पन्त, निशा अधिकारी र मोनिका थापा छन् । फिल्ममा सुशील सिटौला, पुष्कर कार्की, तुफान थापा लगायत कलाकारको पनि अभिनय रहेको छ। एन्थोलोजी जनरामा निर्माण भएको फिल्मले तीन घटनालाई चित्रण गर्ने कार्यकारी निर्माता नवीन भट्टले जानकारी दिए ।

फोर क्युब इन्टरटेन्मेन्टको ब्यानरमा निर्माण भएको फिल्मलाई गणेशदेव पाण्डेले निर्देशन गरेका हुन् । यसअघि उनले मञ्जरी, गाजा बाजा फिल्मको निर्देशन गरेका थिए । विवेक खड्काको छायांकन,अन्जय खड्काको सम्पादन र साउण्ड डिजाइन उत्तम न्यौपानेको रहेको छ ।

फिल्मको निर्माता आभा शर्मा नेपाल हुन् । फिल्म ‘जुलेबी’को केही देशहरुको ओभरसिज राइट्स पनि बिक्री भइसकेको निर्माण टिमले बताएको छ। चलचित्रको वितरणको जिम्मा डिसीएनले लिएको छ  गर्नेछ । फिल्मको डिजिटल राइट्स डिएआर मुभिजले खरिद गरेको छ।