आकाश र रेखाको ‘हिँड्दा हिँड्दै’ गीतमा रोमान्स

भदौको १ गतेबाट रिलिज हुन लागेको नेपाली फिल्म ‘हिँड्दा हिँड्दै’मा समावेश ‘हाँस्ने ओठहरु तिम्रा’ सार्वजनिक गरिएको छ । सुगम पोखरेल र अन्जु पन्तको स्वर रहेको यो गीतमा किरण माइलक घिमिरेको शब्द तथा संगीत छ । 

नारायण सुशिल पंगेनी इन्टरटेन्मेन्टको ब्यानरमा निर्माण भएको यो फिल्मको प्रस्तुतकर्ता विमल श्रेष्ठ हुन् । सुशिल पंगेनीको लेखन तथा निर्माणमा तयार भएको फिल्ममा राज लामाको लगानी छ । 

मिलन आले मगरको निर्देशनमा तयार भएको यो लभ स्टोरी फिल्मको सार्वजनिक गीतमा नायक आकाश श्रेष्ठ र नव–कलाकार रेखा शाह रोमान्टिक देखिएका छन् । 

फिल्ममा आकाश, रेखाको साथमा सलो्न बस्नेत, सानिया खान, विकास थापा मगर, विमल श्रेष्ठ लगायतको अभिनय छ । 

सुमन कुमार तण्डुकारको छायांकन रहेको यो फिल्ममा कविराज गहतराज र सुरेन्द्र बसेलको कोरियोग्राफी, देव महर्जनको एक्सन, गौतम राज खड्काको सम्पादन छ ।