‘हामी तीन भाइ’: पहिले रेखा, झरना र नन्दिता, अहिले लक्ष्मी, आश्मा र जाहन्वी

नेपाली फिल्मको इतिहासमा स्वर्गीय शिव रेग्मी निर्देशित फिल्म ‘हामी तीन भाइ’ले बम्पर व्यापार गर्यो । यो फिल्मको चर्चा आज पनि हुने गरेको छ । पारिवारिक कथालाई रेग्मीले जुन तरिकाले प्रस्तुत गरेका थिए, त्यो सधै भरी चर्चा हुने बिषय हो । 

यो फिल्ममा नायिकाको रुपमा रेखा थापा, झरना थापा र नन्दिता केसीले काम गरेका थिए । यी तिनै नायिका उक्त समयमा सुपरस्टार थिए । तिन नायिकाको उपस्थितीले पनि फिल्मलाई बलियो बनाएको थियो । उनीहरुको अभिनयले पनि चौतर्फी तारिफ पाएको थियो । 

यही नाम सापटी लिएर निर्देशक मधुसुदन भट्टराइले फिल्म बनाउँदैछन् । फिल्मका लागि नायिकाहरु प्नि फाइनल गरिएको छ । फिल्ममा ३ नायिका फाइनल गरिएको छ । 

यो फिल्ममा लक्ष्मी बर्देवा, आश्मा गिरी र जाहन्वी बस्नेतलाई फाइनल गरिएको छ । मुख्य तीन नायिका फाइनल भएसँगै निर्देशकले साउन १० गतेबाट फिल्मको छायांकन सुरु गर्ने तयारी गरेका छन् । ‘हामी तीन भाइ’ नेपाली फिल्म क्षेत्रमा एउटा इतिहास बोकेको फिल्म हो । यसैले, यही नाम सापटी लिएर भिन्न कथामा फिल्म बनाउन लागेका मधुसुदनलाई त्यो इतिहासलाई कमजोर बनाउने छुट पक्कै छैन । यो बिषयमा उनी पनि गम्भिर हुन आवश्यक छ । 

रेखा, झरना र नन्दिताले ‘हामी तिन भाई’बाट पाएको हाइप लक्ष्मी, आश्मा र जाहन्वीले पाउलान् या नपाउलान् त्यो फिल्म चलेपछि थाहा हुनेछ ।