बन्द भयो कमेडी रियालिटी शो ‘कमेडी क्लब विथ च्याम्पियन्स’

नेपाल टेलिभिजनबाट प्रशारण हुँदै आएको चर्चित कमेडी रियालिटी शो ‘कमेडी क्लब विथ च्याम्पियन्स’को प्रशारण बन्द भएको छ । 

६९ भाग प्रशारण भएपछि यो शो बन्द भएको हो । कार्यक्रमको निर्माण थ्री प्रोडक्शनले विज्ञापन एजेन्सी कि एड्भरटाइजिङसँग असार मसान्तसम्मको लागि मात्र संझौता गरेको थियो । उक्त संझौता सकिएपछि कार्यक्रम बन्द भएको हो । 

कार्यक्रमका संचालक विशाल भण्डारीले चाडै नै ‘कमेडी च्याम्पियन ३’ लिएर दर्शकमाझ आउने प्रतिबद्धता जाहेर गरेका छन् । उनले, केही समय विश्राम लिएको बताएका छन् । 

विक्की अग्रवालले निर्देशन गर्दै आएको यो शोले दर्शकहरुलाई निकै हसाँएको थियो । कहिलेकाही कलाकारहरुको प्रस्तुति र बिषयवस्तुले विवाद पनि निम्त्याएको थियो । यो शो नेपाली फिल्मको प्रमोशन गर्ने राम्रो थलो समेत बन्दे आएको थियो ।