फिल्म‘गणपति’को ‘टुकी झ्याप’ सार्वजनिक

फिल्म ‘गणपति’को गीत ‘टुकी झ्याप’ सार्वजनिक भएको छ ।

भदौ १४ गतेदेखि प्रदर्शन तयारीमा रहेको फिल्मको भिडियोमा मुकुन भुषाल र वर्षा सिवाकोटीले नृत्य गरेका छन् । वर्षाले यो गीतमा मात्र क्यामियो रोल गरेकी हुन् ।

 शुक्रबार काठमाडौंमा एक कार्यक्रमको आयोजना गरेर सार्वजनिक गरिएको गीतमा निशान भट्टराई, अनिष अधिकारी र रचना रिमालको स्वर रहेको गीतमा अनिस अधिकारीको शब्द रचना तथा कम्पोज बाबुल गिरीको एरेन्ज रहेको छ ।

रिजाल एन्ड रिजालको प्रस्तुतिमा तयार भएको फिल्ममा मुकुनको साथमा मेनुका प्रधान, स्वर्गीय जयनन्द लामा, कविता न्यौपाने, सूर्यमाला खनाल, प्रकाश घिमिरे, राजाराम पौडेल, पुष्कर गुरुङ, देवेन्द्र बब्लु लगायतको अभिनय रहेको छ।

हरि लामा ‘घले’को छायांकन, कविराज गहतराजको नृत्य निर्देशन र बिपिन मल्लको सम्पादन छ । रामप्रसाद रिजालको प्रस्तुतिमा तयार भएको फिल्मको कार्यकारी निर्माता विज्ञान केसी र अरविन्द हुन् ।

सविन अधिकारीको लेखन तथा निर्देशनमा तयार भएको अधिकारी र अशिम काफ्लेको पटकथा तथा संवाद छ । श्रीराम बालाजी फिल्मस्ले यो फिल्मलाई वितरण गर्दैछ ।