सविनलाई उत्कृष्ट नायकको अवार्ड

सोमबार आयोजना भएको ‘डि सिने अवार्ड’को १३ औं संस्करणमा नायक सविन श्रेष्ठले फिल्म ‘हिरो रिटन्र्स’बाट उत्कृष्ट नायकको अवार्ड जिते । सविनले अवार्ड प्राप्त गर्दा निकै खुशी लागेको प्रतिक्रिया दिए । कोरोना कालका कारण वि.सं २०७७ सालका फिल्मलाई समेटर आयोजना हुन नसकेको अवार्ड समारोह सोमबार आयोजना गरिएको हो । जसमा ५ वटा विधा मात्र समावेश गरिएको थियो । 

यो फिल्ममा सविनको साथमा नायिका रेखा थापाको मुख्य भूमिका थियो । सविन आफैले निर्माण गरेको यो फिल्मबाट उनले उत्कृष्ट नायकको अवार्ड प्राप्त गरेका हुन् । 

कामको कुरा गर्नुपर्दा, सविन आफै नयाँ फिल्म ‘बाघचाल’ बनाउँदैछन् । यो फिल्मका लागि अहिले प्रि प्रोडक्शनको काम धमाधम चलिरहेको छ । कुनै समय सर्वाधिक व्यस्त हुने सविन अहिले पनि आफै निर्माता बनेर फिल्मको कामलाई अगाडि बढाइरहेका छन् ।