नीति शाहलाई फिल्ममा डेब्यू गर्नै सकस

मोडल नीति शाहलाई फिल्ममा डेब्यू गर्न नै सकस परेको देखिएको छ । उनले फिल्म साइन नगरेकी होइनन् । तर, उनले साइन गरेका फिल्म कुनै पनि बन्ने लक्षण देखिएन । बन्ने भनेर तयार भएको फिल्म पनि कार्यव्यस्तताका कारण उनले छाड्नुपरेको छ । यसैले, उनलाई पहिलो फिल्म खेल्न नै समस्या परिरहेको छ । 

नीतिले सन्तोष सेनको फिल्म ‘हुतुतु’ साइन गरिन् । तर, यो फिल्म बनेन । फिल्ममा काम गर्नका लागि तयार भएपछि उनी एकपछि अर्को फिल्ममा अनुबन्धित त भैरहेकी छिन् । तर, अनुबन्धित भएका फिल्मको छायांकन नै सुरु हुन सकिरहेको छैन । 

उनले नायक अनमोल केसीसँग फिल्म ‘एक्स ९’मा काम गर्ने पक्का भयो । तर, दुखको कुरा यो फिल्म पनि बन्ने वा नवन्ने टुंगो छैन । अनमोलसँग डेब्यू गर्ने सपना पनि नीतिको पुरा हुन सकेन । 

उनै, नीतिले अर्का स्टार नायक प्रदीप खड्कासँग फिल्म ‘कामिनो’मा काम गर्ने गरि साइन गरिन् । तर, यो फिल्मको छायांकन पनि समयमा सुरु हुन नसक्दा उनले फिल्म छाड्नु परेको छ । 

यसरी हेर्दा, नीतिलाई फिल्ममा डेब्यू गर्न नै समस्या भइरहेको छ । दर्शकले एउटा फिल्ममा उनलाई हेरेपछि उनको कामको मुल्यांकन गर्ने थिए । तर, उनको कुनै पनि काम नबन्दा न त मिडियाकर्मी ले उनको कामको मुल्यांकन गर्न पाएका छन् न त नीतिको काम कस्तो छ भनेर दर्शकले नै हेर्न पाएका छन् । आखिर, नीतिका लागि फिल्म क्षेत्रमा किन लक नलागिरहेको होला ?