आकाश र सलोनको ‘हिँड्दा हिँड्दै’ भदौ १ बाट रिलिज हुने

अन्ततः निर्माण भएको लामो समयपछि फिल्म ‘हिँड्दा हिँड्दा’को प्रदर्शन मिति तय गरिएको छ । मिलन आलेको निर्देशनमा तयार भएको यो फिल्ममा सुशील पंगेनीको लेखन तथा निर्माण छ । यो फिल्मको फस्टलुक सार्वजनिक गर्दै भदौ १ गतेलाई प्रदर्शन मिति तय गरिएको हो । 

विमल श्रेष्ठको प्रस्तुति तथा राज लामा निर्माता रहेको फिल्ममा नायक आकाश श्रेष्ठ र सलोन बस्नेतको मुख्य भूमिका छ । फिल्ममा रेखा शाह, सानिया खानको पनि मुख्य भूमिका रहेको छ । 

कोरोना कालको पहिलो लकडाउन लगतै यो फिल्म निर्माणको घोषणा गरिएको थियो । तर, फिल्म विविध कारणले  रिलिज हुन पाएको थिएन । 

नायक आकाश श्रेष्ठको फिल्म ‘सम्हालिन्छ कहिले मन’पछि नयाँ फिल्म रिलिज भएको छैन । यसैले, यो फिल्म उनका लागि महत्वपूर्ण छ ।