फिल्म 'अन्तिम संस्कार'को व्यापार दयनीय

गत शुक्रवारबाट प्रदर्शनमा आएको ‘मर्डर मिस्ट्रि ’को कथा फिल्म 'अन्तिम संस्कार'को व्यापार दयनीय देखिएको छ ।

शुक्रबार अन्य कुनै पनि फिल्महरु रिलिज नहुँदा ‘अन्तिम संस्कार’ले सोलो रिलिजको मौका पाएको थियो । यस फिल्मबाट निर्माण टिमले सोलो रिलिजको अवसर पाँउदा केही हिसाबले व्यापार राम्रै हुने अपेक्षा पनि गरेको थियो । 

अन्तिम संस्कारको शुक्रबार, शनिबार र आइतबारको व्यापारलाई हेर्ने हो भने अन्तिम नै हुन पुगेको छ । सिधा सिधी भन्ने हो भने सुपर फल्प नै भएको छ । स्रोतले भने अनुसार फिल्मले तीन दिनमा करिब दुइलाख २० हजारको हाराहारीमा मात्र व्यापार गरेको छ ।

सामाजिक तथा सांस्कृतिक कथावस्तुमा निर्माण भएको अन्तिम संस्कार फिल्मले बक्स अफिसमा यति दयनीय कमाई गरेको छ कि, निर्माताको हातमा लगानीको १ प्रतिशत रकम पनि फिर्ता हुने अवस्था छैन । यो फिल्मले हलमा सोलो रिलिजको अवसर हुदाँ समेत दर्शकले पत्तो नपाएको झै हुन पुगेको देखिन्छ ।

विजय लामा र दिया पुनको मुख्य भूमिका रहेको फिल्म ’अन्तिम संस्कार’ प्रदीप शाहीले निर्देशन गरेका हुन् । 

साई प्रोडक्सन नेपालको ब्यानरमा ह्याम्साएर एकाउन्टेनको सहकार्य रहेको फिल्ममा भाइराजा थापा, राजु कुमार गुरुङ, सुमन राई, उत्सव विष्ट, रबिन्द्र श्रेष्ठ कार्यकारी निर्माता रहेका छन् । विनोद सुवेदी क्षितिज यस फिल्मका निर्माता रहेका छन् ।

फिल्ममा विजय र दीयाका साथै रेश्मा घिमिरे, एवनराज उप्रेती, त्रिचु राई, विशाल पहारी, कृष्णभक्त महर्जन, श्याम राई, पासाङ्ग लामा, बकाश अधिकारी, सरोज खालिङ्ग राई, सस्मिता गिरी, दिग्गज खत्री, सरोज कुमाल, धर्मानन्द आचार्य लगाएतको अभिनय रहेको छ ।