‘जय हो’को टिजर सार्वजनिक

फिल्म ‘जय हो’को सार्वजनिक गरिएको छ । 

निर्देशक शोभित बस्नेत प्रस्तुतकर्ता रहको फिल्म आगामी भाद्र ८ अर्थात अगष्ट २५ मा बिदेश र नेपालमा एकैसाथ प्रदर्शनमा आउँदै छ ।

सार्वजनिक १ मिनेट १० सेकेन्डको टिजरमा प्रेम, मित्रता र द्वन्द्वलाई समेटिएको छ । केकी र सलोनबीचको प्रेममा आउने उतार-चढावका  साथै, टिजरमा अर्पण थापा र सलोनबीच द्वन्द्वात्मक दृश्य पनि समेटिएको छ ।

टेक पौरखी राईको निर्देशन निर्माण भएको फिल्ममा अर्पण थापा, सलोन बस्नेत, केकी अधिकारी, निशा अधिकारी, माओत्से गुरुङ, प्रेम पाण्डे, दिपा शाक्य श्रेष्ठ, सुबि मगर, सुमिन गुरुङ, सुशान्त श्रेष्ठ लगायतका कलाकारको अभिनय रहेको छ ।

फिल्ममा सम्राट बस्नेत द्धन्द्व निर्देशन, कविराज गहतराज र रामजी लमिछानेको कोरियोग्राफी, बनिश शाहको सम्पादन, समीर मियाँको भिएफएक्स र केबलमान सिङ बस्नेत प्रोडक्सन डिजाइनर रहेको फिल्मका मुख्य सहायक निर्देशक दिप्तप्रकाश अधिकारी हुन् ।

सलोन सलिना फिल्म्सको व्यानरमा निर्माण भएको फिल्मको मुस्ताङका विभिन्न रमणीय स्थानलाई देखाइको छ । फिल्ममा सुरेश न्यौपानेको कथा लेखन, सौरभ लामाको छायांकन, शम्भुजित बाँस्कोटा र सागर आले मगरको संगीत छ । कमेडी, एक्सन र लभस्टोरीको समिश्रण रहेको सिनेमाका निर्माता राज के अधिकारी र सुरज सरकार हुन् ।

फिल्मलाई जिजिए ग्रुपले वितरण गर्दैछ ।