फ्राइडे रिलिजः ‘मर्डर मिस्ट्रि ’को कथा ‘अन्तीम संस्कार’ प्रदर्शनमा

फ्राइडे रिलिज अन्तर्गत आज शुक्रवारबाट ‘मर्डर मिस्ट्रि ’को कथा फिल्म 'अन्तिम संस्कार' प्रदर्शनमा आएको छ । 

जय लामा र दिया पुनको मुख्य भूमिका रहेको फिल्म 'अन्तिम संस्कार' प्रदीप शाहीले निर्देशन गरेका हुन् । यो फिल्म सामाजिक तथा सांस्कृतिक कथावस्तुमा निर्माण भएको हो । एक हत्या घटनाको रहस्यको वरपर कथा बुनिएको छ । 

शुक्रबार अन्य कुनै पनि फिल्महरु रिलिज नहुँदा ‘अन्तिम संस्कार’ले सोलो रिलिजको मौका पाएको हो । यस फिल्मलाई मल्टिप्लेक्समा राम्रै शोजहरु पाएको छ । 

फिल्ममा विजय र दीयाका साथै रेश्मा घिमिरे, एवनराज उप्रेती, त्रिचु राई, विशाल पहारी, कृष्णभक्त महर्जन, श्याम राई, पासाङ्ग लामा, बकाश अधिकारी, सरोज खालिङ्ग राई, सस्मिता गिरी, दिग्गज खत्री, सरोज कुमाल, धर्मानन्द आचार्य लगाएतको अभिनय रहेको छ ।

साई प्रोडक्सन नेपालको ब्यानरमा ह्याम्साएर एकाउन्टेनको सहकार्य रहेको फिल्ममा भाइराजा थापा, राजु कुमार गुरुङ, सुमन राई, उत्सव विष्ट, रबिन्द्र श्रेष्ठ कार्यकारी निर्माता रहेका छन् । विनोद सुवेदी क्षितिज निर्माता रहेको फिल्म सामाजिक एवं सांस्कृतिक कथावस्तुमा निर्माण भएको हो ।

नेपालमा विदेशी फिल्मको वितरण गर्दै आएको कम्पनी एप्पल इन्टरटेनमेन्टले यो फिल्मलाई देशव्यापी वितरण गर्नेछ । फिल्ममा बाबु श्रेष्ठको छायाँकन, रुपेश गुरुङको सम्पादन रहेको छ ।