नाजिरको ‘गुलाबी’ बन्यो ‘गुन्युचोलो’

फिल्म ‘गुलाबी’को नाम परिवर्तन गरिएको छ । यो फिल्म अब ‘गुन्युचोलो’ नाममा रिलिज हुने भएको छ । ट्रान्सजेन्डरको कथामा बनेको यो फिल्मको मुख्य भूमिकामा नायक नाजिर हुसेनले काम गरेका छन् । 

यसैबिच, यो फिल्मको अन्तरराष्ट्रिय प्रदर्शनको अधिकार अमेरिकी कम्पनी ‘भिजिअल इन्टरटेन्मेन्ट’ले खरिद गरेको छ । फिल्मको अधिकार अमेरिकी कम्पनीले लिएसँगै फिल्मको नाम परिवर्तन गरेर ‘गुन्युचोलोः कमिङ अफ एज अफ अ गर्ल’ राखिएको छ । आउँदो बर्ष फिल्मलाई विश्व बजारमा रिलिज गर्ने तयारी अमेरिकी कम्पनीको छ । 

समुन्द्र भट्टले निर्देशन गरेको यो फिल्ममा नाजिरसँगै संचिता लुइँटेल, सुशील सिटौला, विशाल पहारीको मुख्य भूमिका छ । फिल्मलाई अमेरिकी कम्पनीले रिलिज अधिकार लिएसँगै अब यसको नेपालको प्रदर्शन समेत हेरफेर हुनेछ ।