‘जय हो’को फस्टलुकमा अर्पण, सलोन, निशा र केकीको फरक रुप

 

भदौको ८ गतेबाट रिलिज हुन लागेको फिल्म ‘जय हो’को फस्टलुक सार्वजनिक गरिएको छ । सार्वजनिक २ पोष्टरमा फिल्मका मुख्य कलाकारहरु सलोन बस्नेत, केकी अधिकारी, अर्पण थापा, निशा अधिकारी, माओत्से गुरुङलाई स्थान दिइएको छ ।

फिल्मको पोष्टर सार्वजनिक भएसँगै दर्शकमा फिल्मलाई लिएर उत्साह बढ्न सक्छ । फिल्मको फस्टलुकमा अधिकांश कलाकारको गेटअप फरक छ । 

सलोन सलिना फिल्मस्को ब्यानरमा निर्माण भएको यो फिल्मका प्रस्तुतकर्ता शोभित बस्नेत हुन् । राज के अधिकारी र सुरज सरकारको लगानीमा तयार भएको फिल्मलाई टेक पौरखी राइले निर्देशन गरेका हुन् ।

यो फिल्ममा सौरभ लामाको छायांकन, शम्भुजित बास्कोटा र सागर आलेको संगीत, बनिष शाहको सम्पादन, सम्राट बस्नेतको एक्सन, कविराज गहतराज र रामजी लामिछानेको कोरियोग्राफी, समीर मियाको भिएफएक्स छ । 

फिल्मको कथावस्तुको बारेमा अहिलेसम्म यसको निर्माणपक्षले केही पनि खुलाएको छैन ।