शोभितको ‘बद्रीबहादुर’ असार २९ गतेबाट रिलिज हुने

शोभित बस्नेतको निर्देशनमा तयार भएको फिल्म ‘बद्रीबहादुर’को २ पोष्टर सार्वजनिक गर्दै प्रदर्शन मिति तय गरिएको छ । यो फिल्मलाई असारको २९ गतेबाट देशभरका हलमा रिलिज गरिने निर्माणपक्षले बताएको छ ।

चलचित्र विकास बोर्डका सदस्य समेत रहेका संचारकर्मी रवि अधिकारी कार्यकारी निर्माता रहेको यो फिल्ममा जयकिशन बस्नेत, छुल्ठिम गुरुङ, राजीवजंग बस्नेत, धिरेन शाक्य, शोभित बस्नेत, उत्तम केसी, लय संग्रौला, एलिना गुरुङ लगायतका कलाकारको अभिनय छ । 

समीर मिया सह–निर्माता रहेको फिल्ममा सलोन बस्नेत र पूजा शर्माको विशेष भुमिका छ । यो फिल्ममा रामकाजी घिमिरेको लेखन, विनोद सापकोटाको छायांकन, टंक बुढाथोकी र उजन नेम्वाङको संगीत, शिव विकको नृत्य, शंकर महर्जनको एक्सन र बन्दे प्रसादको सम्पादन छ ।

एबी पिक्चर्स फार्म र सलोन सलीना फिल्मस्को व्यानरमा निर्माण भएको फिल्मलाई काठमाडौं, लमजुङ, धरान र संखुवासभामा छायांकन गरिएको छ । विजय गोपाली दली प्रस्तुतकर्ता रहेको फिल्ममा मिथुन भोटे निर्माता छन् । फिल्मको वितरण आरआर फिल्मस्ले गर्दैछ ।