‘हुक्काः एन एब्सर्ड ड्रिमले मनोविज्ञान बोकेको छ’
नाटक, टेलिफिल्म निर्देशन र फिल्ममा सहायक निर्देशनको अनुभव संगालिसकेका शम्भु थापा आफ्नो पूर्ण निर्देशकीय फिल्म ‘हुक्काः एन एब्सर्ड ड्रिम’ लिएर आगामी जेठ १२ गते दर्शकमाझ आउँदैछन् । अघिल्लो फिल्म ‘धौली’मा लगानी सँगै मुख्य सहायक निर्देशनको अनुभव लिएका शम्भुलाई पूर्ण निर्देशकीय क्षमता देखाउन उत्साह र चुनौती दुवै उत्तिकै थियो । तर, दुवै कुरा उनले सजिलै पुरा गरे ।
‘मेरो रुची फिल्म निर्माण नै हो । तर कतिपय अवस्थामा हामीले भनेजस्तो नहुने रहेछ । ‘धौली’ टिमसँग मिलेर पुनः फिल्म बनाउने योजना बनाए पनि आफूले सोचे अनुसार हुन सकेन । त्यसपछि आफैं निर्देशनमा अघि सरें’, शम्भु भन्छन्,‘हुक्काः एन एब्सर्ड ड्रिम गाउँले परिवेशमा निर्माण गर्नुपर्ने थियो । हामीले नजिकका निर्देशकसँग पनि कुरा गरेको हो । तर उहाँहरु अन्य काममा व्यस्त रहेकाले हामीलाई समय दिन सक्नुभएन ।’
कथावस्तु
शम्भुको बुझाईमा फिल्मको नाममा मानिसको आ–आफ्नो बुझाई भए पनि यसको विषयवस्तु फरक छ । ‘हुक्काः एन एब्सर्ड ड्रिमले एउटा मनोविज्ञान बोकेको छ । फिल्म हुक्काबाट सुरु भएर हुक्कामा नै सकिन्छ । फिल्मले एउटा आडम्बर पनि देखाउँछ’, शम्भु खुल्छन्, ‘अग्रजले जानेर वा नजानेर गरेका कामले बालबालिकाको मानसपटलमा कस्तो प्रभाव पार्छ । त्यसले कस्तो परिणाम ल्याउँछ भन्ने कुरा फिल्ममार्फत देखाएका छौं ।’
शम्भुले दर्शकले फिल्म हेरिरहँदा पर्दामा देखिएका पात्रसँग आफूलाई जोड्ने दाबी गरे । उनले अग्रजले बच्चाको अगाडि हुक्का खाँदा बच्चाको दिमागमा पर्ने मनोवैज्ञानिक असरलाई देखाउने बताए ।
शम्भुका अनुसार फिल्ममा अभिनेत्री प्रमिलालाई सशक्त रुपमा चित्रण गरिएको छ । फिल्ममा प्रमिलाको निडर, सक्षम र आँटिलो चरित्रले समाजका महिलालाई सकारात्मक उत्प्रेरणा दिने शम्भुको बुझाई छ ।
पात्र छनोट
फिल्मका लागि अभिनेता सन्तोषकुमार आत्रेय, शम्भु र मुख्य सहायक निर्देशकले भगवान पौडेलले पात्र छनोट गरेका हुन् । शम्भुका अनुसार फिल्मको स्क्रिप्ट लक भएपछि कलाकारको प्रोफाइल तयार पारेर छनोट गरिएको थियो । ‘हामीले अडिसन लिने पनि काम ग¥यौं । धेरै जना अडिसनका लागि आउनुभएको थियो । कतिपयले भने अडिसन दिन गाह«ो मान्नुभयो’, शम्भु भन्छन्, ‘हामी सकेसम्म थिएटरकै कलाकार लिने सोचमा थियौं । पोखरामा पनि थिएटर चलिरहेको छ । त्यहाँ पनि हामीले समन्वय ग¥यौं । पुराना र नयाँ कलाकारलाई राख्दा तालमेल मिलाउन गाह«ो हुने भएपनि नयाँ कलाकारलाई प्राथमिकता दियौं । नयाँ कलाकार राख्दा उनीहरुलाई हौसला मिल्ने र दर्शकले पनि अग्र्यानिक कथाको स्वाद पाउने निश्कर्षमा पुग्यौं । ’
दर्शक सर्वे
यो फिल्मका लागि निर्माण पक्षले दर्शक सर्वे पनि गरेको थियो । निर्देशक थापाले कन्टेन्ट अनुसार फिल्ममा कस्तो कलाकार राख्दा राम्रो हुन्छ भनेर सर्वे गरेको खुलाए । ‘कन्टेन्ट राम्रो छ भने नयाँ कलाकारहरुलाई लिएर बनाएको फिल्मले पनि राम्रो व्यापार गर्छ भन्ने उदाहरण नेपालमा छ । त्यस्ता फिल्मले राम्रो प्रतिक्रिया पनि पाएको छ । त्यहीकारण दर्शक सर्वे गरेका थियौं’, उनले भने ।
लक्षित दर्शक
निर्देशक थापा आफ्नो फिल्म सबै वर्गका दर्शकले हेर्नुपर्ने धारणा राख्छन् । ‘हाम्रो फिल्म कलेजका विद्यार्थी, समाजका प्रतिष्ठिट व्यक्ति र राजनीतिक व्यक्तिसँगै सरकारले पनि हेर्नुपर्छ । फिल्म हेरेपछि सरकारलाई पनि समाजको वास्तविक अवस्था र हाम्रो आर्थिक अवस्था सुधार्नका लागि धेरै सहज हुन सक्छ’, शम्भुको दाबी छ ।
नाटक हुँदै फिल्ममा शम्भु
शम्भु २०५१ सालदेखि पोखरामा नाट्य गतिवधिमा सक्रिय थिए । उनले पोखरामा सडक नाटकमात्र देखाएनन्, टेलिफिल्म पनि निर्माण गरे । बाहिरबाट आएका व्यक्तिहरुसँग वृत्तचित्र बनाउनेदेखि सुटिङका लागि काठमाडौंबाट आउने समूहको व्यवस्थापनको काम पनि गरे ।
शम्भुले मनोजबाबु पन्तबाट निर्देशन र प्राविधिक ज्ञान धेरै जानकारी लिए । उनले फिल्मका कार्यशाला मात्र गराएनन्, त्यो बेलाको फिल्म सोसाइटीसँग आबद्ध भएर निर्देशनदेखि अन्य गतिविधिहरुमा सक्रिय रहे । उनले प्रकाश घिमिरे, रविन्द्रसिंह बानियाँलगायतका फिल्मकर्मीबाट निर्देशकीयदेखि फिल्म निर्माणको तरिका बुझे ।
![‘नेपहपको श्रीपेच’को दोस्रो संस्करणको प्रशारण सुरु](https://snowberry.prixacdn.net/media/gallery_folder/Nephop%2520final%2520image%2520%2520copy_yoesDdG3Mo_ptsea8hdeuc7qggzf1s4lsfzgujbubonord4cpj0hdc8xetgeyibkjhxd6z8_ENncIEj2jf_4hddhivaqqc4o0edysf4xwptutzzyizjjypku177aeuzjoega9j36yn3cblp.jpg)
‘नेपहपको श्रीपेच’को दोस्रो संस्करणको प्रशारण सुरु
![आँचल र विवेकको जोडीलाई दर्शकले कती रुचाए ?](https://snowberry.prixacdn.net/media/gallery_folder/bar%2520and%2520badhu_pK5Ut4EdfA_bglcx7adpp5bayv8saxrggqwud9vkgyytlfueeuwoi9tffjkqs2keduajyli_0touEOXCIb_zb0hfwmgzranbeltffs1t549cvgdpa8bl1p2u2fd8umdpdiv5yvrqgfbynbn.jpg)
आँचल र विवेकको जोडीलाई दर्शकले कती रुचाए ?
![बोर्डबाट बिदा हुँदै गर्दा भुवनले भने–‘फिल्म क्षेत्रमा सरकारको लगानी शुन्य छ’](https://snowberry.prixacdn.net/media/gallery_folder/bhuwan%2520kc_Wkmnf0wViv_jhpefzrn6ico0ruwyoczfyutambsukrwq61jtlumxuz2phxwobl9clcesf3w_U9v25Evzpc_vcmrdwf6kq7srrh0mlxggmqngtkqg0rxzfa3pcsc4y3uqfqgx1djgry1neva.jpg)
बोर्डबाट बिदा हुँदै गर्दा भुवनले भने–‘फिल्म क्षेत्रमा सरकारको लगानी शुन्य छ’
![‘अगस्त्य’ निर्देशक सौरभले घोषणा गरे नयाँ फिल्म ‘कर्मा’](https://snowberry.prixacdn.net/media/gallery_folder/karm%2520movie_VujH3IhZIU_cwhzwdiojeclzx6vznspgthtzzrrqjwgqpjzotw1bczkdpnamgismh4drntw_66Traic1Bu_jv1tykyee0ynpomfjq9zxdix1cledfyb1sqogtp2mjxdczrsviscckebml9c.jpg)
‘अगस्त्य’ निर्देशक सौरभले घोषणा गरे नयाँ फिल्म ‘कर्मा’
![भक्तपुरमा सुरु भयो ‘पूर्ण बहादुरको सारङ्गी’को सेकेन्ड सेड्यूल](https://snowberry.prixacdn.net/media/gallery_folder/purna%2520bhahadru%2520ko%2520sarangi_ao6WLpXeeb_jsne2lep8t5irwfancnhdfvo8nttae3twdzgplmyxl9msbkht3kyhh8ui68f_OqFsAxwIZK_cvwgkta4hh7yeuilc68qfzmxvencsx98qf4xoea4xkbutk5zm8m911dv5ioc.jpg)
भक्तपुरमा सुरु भयो ‘पूर्ण बहादुरको सारङ्गी’को सेकेन्ड सेड्यूल
![के नरेनलाई फिल्म क्षेत्रले चिन्न नसकेको हो ?](https://snowberry.prixacdn.net/media/gallery_folder/naren%2520khadka_LhN2EkwyR5_lvs9etxkcndrbumytnojzsauafvkpeepb6ibgmztmec4zpocuz0ef5yxgxar_6nYn9jDfFQ_e4onb7fi7m8km7flsby7cda81ex6o0qdxlion0ksech3nnwfoxrzlvcwmmlm.jpg)
के नरेनलाई फिल्म क्षेत्रले चिन्न नसकेको हो ?
![सरोज खनाल भन्छन्–‘नेपाली फिल्म क्षेत्रमा गुटबन्दी छ’](https://snowberry.prixacdn.net/media/gallery_folder/saroj%2520khanal_dkPv25PDxg_r8r4giwpg5nxlkstiuewcwlahchnibtqe04octs8jtgcemsouvgztbzrqtvr_DtPbdAu3bl_xem7glgbb5qomj0knvkfpulz291uzyll5djlfbtqwn2mcief5bdtd96dr3tb.jpg)
सरोज खनाल भन्छन्–‘नेपाली फिल्म क्षेत्रमा गुटबन्दी छ’
![‘नम्बरी सुन’को ट्रेलरमा प्रेम र द्धन्द्धको कुरा](https://snowberry.prixacdn.net/media/gallery_folder/numberi%2520sun_yKagEjcRzf_lqhltr5hdr8chwiuys1b7yqigam4oxljpqrvmfjdvunguu0jiewo8axkau3o_ltpjCcj6fx_8pdhmzsecciznxzqufmbdkcmdtsjlco9vdxoh5tls39lbudrvpsunpnfelcm.jpg)
प्रतिक्रिया