अनमोलबारे ‘फर्की फर्की’ निर्माताको स्पष्टिकरण

नायक अनमोल केसीले केही दिन अगाडि निर्माता रोहित अधिकारीले बनाउन लागेको नयाँ फिल्म ‘फर्की फर्की’ साइन गरे । रोहितले अनमोल र नायिका जसिता गुरुङलाई फिल्ममा अनुबन्धित गर्दै जेठ या भदौमा छायांकन सुरु गर्ने बताएका छन् । तर, अनमोललाई फिल्ममा साइन गरेपछि रोहितलाई मिडियाकर्मी र दर्शकहरुमाझ स्पष्टिकरण दिनु परेको छ । 

आम दर्शक र मिडियाकर्मीलाई अनमोलले यो फिल्म छाड्ने त होलान् नि भन्ने परेको छ । किनकी, अनमोल फिल्म छाड्न माहिर मानिन्छन् । उनले साइन गरेर छाडेका फिल्मको संख्या आधा दर्जन पुगिसकेको छ । 

मिडियाकर्मी र दर्शकले बारम्बार अनमोलले फिल्म गर्छन् या छाड्छन् भन्ने बिषयमा प्रश्न राखेपछि रोहितले सामाजिक संजालबाटै यस बिषयमा स्पष्टिकरण दिनु परेको छ ।

उनले लेखेका छन्–‘धेरै मिडियाका साथीहरु र आमा दर्शकहरुले मलाई सोध्नुभयो कि अनमोलले साइन गरेर कतै फिल्म छाड्ने त होइनन् ? मेरो उत्तर यो फिल्म अनमोलको प्रोजेक्ट हो । यसमा हामी इन भएका हौं । त्यसैले हामीले फिल्म छाड्दैनौ । फिल्म भनेकै समयमा सुटिङमा जान्छ ।’

रोहितले अनमोलको बिषयमा स्पष्ट पार्ने कोशिश त गरेका छन् । तर, छायांकनमा जानु अगाडिसम्म अनमोलले फिल्म छाड्छन् कि भन्ने शंका मिडियाकर्मी र दर्शकलाई रहिरहनेछ ।