आरआरआरका भिलेन रे स्टीवेन्सनको निधन

एसएस राजामौलीको ब्लकबस्टर फिल्म ‘आरआरआर’ मा खलनायकको भूमिका निभाएका आयरिश अभिनेता रे स्टिभेन्सनको ५८ वर्षको उमेरमा निधन भएको छ ।  तर, अभिनेताको मृत्युको कारण भने खुल्न सकेको छैन । 

५८ वर्षे अभिनेताले २९ वर्षको उमेरमा उनले फिल्म र टिभी कार्यक्रमबाट आफ्नो करियर सुरु गरेका थिए । उनले सन् १९९८ मा आएको फिल्म ‘द थ्योरी अफ फ्लाइट’बाट सफलता पाएका थिए । यस फिल्ममा उनले गिगोलोको भूमिका निभाएका थिए । यसबाहेक उनले ‘पनिशरः वार’ मा आफ्नो अभिनयबाट सबैको मन जितेका थिए ।

स्टीवेन्सन पछिल्लो पटक एसएस राजामौलीको पिरियड एक्सन ब्लकबस्टर फिल्म ‘आरआरआर’मा गभर्नर स्कट बक्सटन नामक भिलेन चरित्रमा देखिएका थिए । उनको यो भूमिकालाई भारतीय दर्शकले निकै रुचाएका थिए । स्टीवेन्सनको करियरमा उनले अभिनय गरेको यो एकमात्र भारतीय फिल्म हो ।

उनको वास्तविक नाम जर्ज रेमन्ट स्टीवेन्सन हो । उनको जन्म सने १९६४, मे २५ मा लिस्बनमा भएको थियो । परिवारमा तीन भाईमध्ये उनी दोस्रो भाई हुन् । उनका पिता एक रोयल एयर फोर्स पाइलट थिए । उनी ८ वर्षको उमेरमा इंग्ल्याण्ड गए र त्यही ब्रिस्टल ओल्ड विक थिएटरमा स्कुल अभिनय पढे । उनले २९ वर्षको उमेरमा ग्राजुएसन डिग्री लिए । स्टीवेन्सन सन् १९९० को दशकको सुरुवातबाट फिल्म र टेलिभिजनमा जोडिए ।

उनले ‘पनिशरः वार जोन’, ‘द थ्योरी अफ फ्लाइट एण्ड एचबीओ–बीबीसी’को ‘अकेम्ड टेलिभिजन सिरिज’ मा अभिनय गरेका थिए । उनी रोममा आफ्नो भूमिकाका लागि लोकप्रिय थिए । यसबाहेक रे ‘डेक्सटर’, ‘द वकिङ डेड’, ‘ब्ल्याक सेल्स’, ‘वाइकिङ्स’लगायतका कैयौं स्टार वार्स एनिमेटेड शोको हिस्सा बने । उनी चाँडै नै डिज्नी प्लस स्टार वार्स सिरिज ‘अहसोका’मा देखिँदैछ । यसको प्रिमियर चाँडै हुँदैछ ।

उनको अन्तिम फिल्म ‘एक्सीडेन्ट मेनः हिटमेन होलिडे’ थियो । उनले हालै १९४२ मा केविन स्पेसीलाई रिप्लेस गरेका थिए ।