‘चिसो वर्ष'मा फरक सोनाम

फिल्म ‘सम्हालिन्छ कहिले मन’ पछि ‘चिसो वर्ष’मा जोडिएका अभिनेता सोनाम तोप्देनको लुक्स सार्वजनिक भएको छ । निर्देशक मीनबहादुर भाम निर्देशित फिल्मको सार्वजनिक तस्वीरमा सोनामलाई लामो कपाल र जुँगामा देख्न सकिन्छ ।

फिल्मका लागि सोनामले गत वर्षको दशैं अगाडि अडिसन दिएका थिए । उनी फिल्मको मुख्य अभिनेताका रुपमा काम गर्दैछन् । 

सोनामले मिन भामको फिल्ममा काम गर्न पाउँदा आफू उत्साहित भएको प्रतिक्रिया दिए । ‘यो फिल्म मेरा लागि विशेष हुनेछ । मिनजीको विश्व बजारमा छुट्टै क्रेज छ । उहाँको निर्देशनमा काम गर्न पाउँदा खुशी लागेको छ,’ उनले भने ।

फिल्मको छायांकन डोल्पामा गरिएको छ । फिल्मले जीवन बाँच्नका लागि एक महिलाले गर्ने संघर्षको कथालाई प्रस्तुत गरेको छ ।